Մալդիվների քրեական դատարանը նախկին նախագահ Աբդուլլահ Յամինին մեղավոր է ճանաչել՝ կոռուպցիայի եւ փողերի լվացման գործով, հայտնում է Reuters լրատվական գործակալությունը եւ հավելում, որ դատարանը հայտնել է՝ առաջիկայում ակնկալվող դատավճռի մասին։ Յամինը հերքում է իր մեղավորությունը։
Յամինը, ով կորցրել է իշխանությունը 2018 թվականին, 2019 թվականին դատապարտվել է հինգ տարվա ազատազրկման եւ 5 միլիոն դոլար տուգանքի՝ 1 միլիոն դոլար պետական միջոցների յուրացման համար:
Դատավճռվի հրապարակումից հետո Յամինը 2020 թվականին ենթարկվել է տնային կալանքի, սակայն մի քանի ամիս անց ազատ է արձակվել:
Ազատ արձակվելուց հետո նախկին նախագահը վերադարձել է ակտիվ քաղաքականություն՝ Մալդիվներում հնդկական ազդեցության դեմ քարոզարշավ իրականացնելով, ինչը անհանգստություն է առաջացրել Նյու Դելիում։
Յամինը, 2023 թվականին կայանալիք ընտրություններում, Մալդիվների առաջադիմական կուսակցության նախագահի հայտարարված թեկնածուն է։
