Իրանն ու Հայաստանը կստեղծեն «Արաքս-Մեղրի» ազատ տնտեսական գոտի

Իրանն ու Հայաստանը համատեղ կստեղծեն «Արաքս-Մեղրի» ազատ տնտեսական գոտի: Այս մասին հայտնել է Իրանի բարձրագույն խորհրդի ազատ առևտրաարդյունաբերական և հատուկ տնտեսական գոտիների քարտուղարության ֆինանսական կազմակերպությունների հետ աշխատանքների համակարգման բաժնի ղեկավար Զոհրե Բահրեբարը, որի խոսքերը մեջբերել է Fars գործակալությունը։

«Ազատ առևտրաարդյունաբերական ու հատուկ տնտեսական գոտիների բարձրագույն խորհրդի քարտուղարության օրակարգում Իրանի և թիրախային երկրների միջև համատեղ ազատ գոտիների ստեղծումն է»,- ասել է նա։