ԿԳՄՍ նախարար Ժաննա Անդրեասյանը, լրագրողների հետ զրույցում անդրադառնալով ան հրապարակումներին, որ իր ամուսինը օրեր առաջ վթարի է ենթարկվել իր ծառայողական մեքենայով, ասաց․
«Ես կարծում եմ, որ կարող էի նույնիսկ դատի տալ նրան, ով նման սուտ տեղեկություն է տարածել։ Իմ ծառաողական մեքենան վարում է վարորդը ու վարվում է միայն ծառայողական նպատակներով։
Իմ ծառայողական մեքենայով որևէ դեպք տեղի չի ունեցել։ Վթարը բնականաբար որևէ կապ չունի ո՛չ մեքենայի, ո՛չ ինձ հետ։ Ինչ վերաբերում է տեղի ունեցած վթարին, կարծում եմ իմ ամուսինը բավարար պարզաբանել է»,- ասաց նախարարը։
Հիշեցնենք, որ օրերս Հանրապետության հրապարակում վթարի էր ենթարկվել է նախարարի ամուսինը՝ Հանրայինի մեկնաբան Պետրոս Ղազարյանը։
