Լիբանանյան «Հեզբոլլահ» խմբավորումը սպառնացել է ԱՄՆ-ին նոր ճակատ բացել Իսրայելի դեմ, եթե իսրայելական բանակը մինչեւ նոյեմբերի 3-ը չդադարեցնի ռազմական գործողությունները Գազայի հատվածում, քուվեյթյան «Ալ-Ջարիդա» թերթին հայտնել է իրանական դիվանագիտական շրջանակների աղբյուրը:
Նրա խոսքով՝ այսօր ելույթ կունենա խմբավորման առաջնորդ Հասան Նասրալլան, և եթե իսրայելական բանակի կողմից զինադադար չլինի, նա ընդհանուր զորակոչ կհայտարարի և ռազմական գործողություն կսկսի Իսրայելի դեմ։
Հիշեցնենք, որ ՑԱԽԱԼ-ի և ՀԱՄԱՍ-ի առճակատումից հետո «Հեզբոլլահ»-ը պարբերաբար հրետակոծել է իսրայելական տարածքը և դեպի իրեն քաշել հրեական պետության զորքերի մի մասը։ Ի պատասխան՝ ՑԱԽԱԼ-ը հրթիռային հարվածներ է հասցրել Լիբանանի ռազմական օբյեկտներին։
Եթե «Հեզբոլլահ» -ը որոշի բացել երկրորդ ճակատը, Իսրայելը կգրոհի նաև Իրանի վրա, ավելի վաղ զգուշացրել էր Իսրայելի էկոնոմիկայի և արդյունաբերության նախարար Նիր Բարքաթը։
«Մենք շատ հստակ ուղերձ ունենք մեր թշնամիներին։ Մենք նրանց ասում ենք՝ տեսեք, թե ինչ է կատարվում Գազայի հատվածում, նույնը կլինի ձեզ հետ, եթե դուք հարձակվեք մեզ վրա»,- ասել է նա։
