«Հայաքվեի» հրավիրած խորհրդարանական լսումների ժամանակ Արցախի նախկին պետնախարար Արտակ Բեգլարյանը հայտարարեց, որ Արցախն այժմ կորսված է, բայց՝ ոչ մեկընդմիտ, Արցախ վերադարձի հեռանկարը կախված է նրանից, թե հատկապես այս փուլում ինչ ենք անում մենք՝ հայ ժողովուրդը և ՀՀ-ն։
Նվազագույն անելիքը կամուրջները չայրելն է, եղած կամուրջներն ամրացնելու և նոր կամուրջներ կառուցելու կարիք կա։
Բեգլարյանը ասաց, որ «Հայաքվե» նախաձեռնության կողմից առաջարկված այս օրինագիծն, ըստ իրեն, կարևոր գաղափարական, իրավական և քաղաքական ամուր հիմք կարող է ստեղծել Արցախի վերադարձի հետագա պայքարի համար։
Հիշեցնենք, որ «Հայաքվե» նախաձեռնությունն առաջարկել է Հայաստանի քրեական օրենսգրքում լրացումների նախագիծ, ըստ որի, քրեորեն պատժելի արարքներ են որակվում Հայոց ցեղասպանության միջազգային ճանաչումից հրաժարվելը կամ դրա վտանգավորությունը նսեմացնելը ու ՀՀ անունից Արցախն այլ պետության կազմում ճանաչելը։
