Թուրքական իշխանությունները Ստամբուլում ձերբակալել են Ռուսաստանում գործող կազմակերպված հանցավոր խմբի ղեկավարներից մեկին՝ Շամիլ Ամիրովին։ Այս մասին հայտարարել է երկրի ՆԳՆ-ն, փոխանցում է РИА Новости-ն։
Նշվում է, որ Ամիրովը հետախուզման մեջ է Ինտերպոլի կողմից։ Նրան մեղադրանք է առաջադրվել խարդախության համար։
Թուրքիայի ներքին գործերի նախարարը Ամիրովին ձերբակալելու մասին հայտարարել է սոցիալական ցանցերում։
««Կապույտ տեղեկագրով» հետախուզվող օրենքով գողերի կազմակերպված հանցավոր խմբի ղեկավարներից Շամիլ Ամիրովը ձերբակալվել է Ստամբուլում իրավապահ մարմինների կողմից իրականացված «Վանդակ 15» գործողության ժամանակ»,- ասել է թուրք նախարարը։
