Վրացական համարանիշներով ավտոմեքենաների վարորդները բողքի ակցիա են իրականացնում կառավարության շենքի դիմաց։ Նրանք իրենց բողոքի ձայնն են բարձրացնում ընդունված նոր օրենքի դեմ, ըստ որի, մինչև հունվարի 1-ը պետք է իրենց ավտոմեքենաները կա՛մ մաքսազերծեն, կա՛մ Հայաստանից դուրս հանեն։
Նրանց պահանջն է, որ վերանայեն մաքսազերծման տոկոսները և 30 տոկոսից դարձնեն 10 տոկոս, աջ ղեկով մեքենաների մասով զիջումներ անեն, որպեսզի կարողանան այդպես մաքսազերծել, քանի որ կան աջ ղեկով մեքենաներ, որոնց ղեկը չի կարող փոխվել աջից ձախ և երկարացնեն ժամանակահատվածը՝ գոնե 6 ամիս ժամկետով։
«Դեմ ենք 30-ին» վանկարկումներով նրանք վրացական համարանիշները ձեռքներին՝ քայլում են Հանրապետության հրապարակում։
