Հունվարի 29-ին պաշարված Լենինգրադի երեխաների հիշատակին նվիրված հուշարձանի մոտ միջադեպից հետո ՌԴ ԱԳՆ պաշտոնական ներկայացուցիչ Մարիա Զախարովայի գրավոր հայտարարության մեջ նշել է, որ ՌԴ-ն դատապարտում է Երեւանում շրջափակված Լենինգրադի երեխաների հուշարձանի պղծումը։
Խորը ափսոսանքով նշում ենք, որ սա Ռուսաստանի համար ընդհանուր պատմության հերոսական էջերին նվիրված հուշարձանների պղծման առաջին դեպքը չէ։ Մենք տեսնում ենք բարեկամ հայ ժողովրդի կողմից կատարվածի մերժման կտրուկ արձագանք, նույնն ենք ակնկալում հանրապետության իշխանություններից, ինչպես նաև ապագայում բարբարոսության նման դրսեւորումների ճնշում»,- ընդգծել է նա։
Զախարովան կարծում է, որ նման երևույթներին նպաստում է հանրապետությունում սկսված հասարակական արշավը՝ ուղղված Ռուսաստանին և նրա դերը Հարավային Կովկասում նսեմացնելուն։
«Մենք թույլ չենք տա ծաղրել պաշարման ժամանակ զոհված 1 միլիոն 384 հազար լենինգրադցիների օրհնյալ հիշատակը: Այս ահավոր հանցագործության կապակցությամբ մենք շփվում ենք համապատասխան դաշնային գերատեսչությունների, այդ թվում՝ Ռուսաստանի Դաշնության Քննչական կոմիտեի հետ, որը վանդալիզմի փաստով քրեական գործ է հարուցել։ Երևանում գիտության և մշակույթի ռուսական կենտրոնի տնօրենը պաշտոնական դիմում է ուղարկել Հայաստանի գլխավոր դատախազություն։ Արձանագրվել է, որ հունվարի 30-ի երեկոյան Հայաստանի իրավասու մարմինները քրեական գործ են հարուցել»,- ասել է Զախարովան։
