Հովհաննես Իշխանյանը ֆեյսբուքյան իր էջում գրում է․
Քաղաքական իրավունքների հայկական կենտրոնի իրավապաշտպանների հայտարարությունից «Որդիների Կանչ» ՀԿ-ի համահիմնադիր Գարիկ Գալեյանի գործով
Կալանքն ակնհայտորեն կիրառվում է որպես պատժի ձև, այլ ոչ թե օրինական խափանման միջոց: Սրա վառ վկայությունն է նաև այն, որ դատարանը՝ չարձանագրելով գործի քննությանը խոչընդոտելու ռիսկեր, սահմանափակել է Գալեյանի կապն արտաքին աշխարհի հետ։
Ավելին, կալանքի և տնային կալանքի նման անարդար կիրառման դեպքերը կարող են անդառնալի հետևանքների հանգեցնել, ինչի մասին վկայում է Գալեյանի առողջական վիճակի վատթարացումը։
Մենք կոչ ենք անում իրավապահ մարմիններին և դատական իշխանությանը վերանայել կալանքի նկատմամբ իրենց մոտեցումը և ապահովել, որ այն օգտագործվի միայն խիստ անհրաժեշտության դեպքում և մարդու իրավունքների միջազգային չափանիշներին համապատասխան։
Կալանավորումը երբեք չպետք է օգտագործվի որպես պատժի միջոց, իսկ ազատության սահմանափակման յուրաքանչյուր դեպք պետք է ունենա խիստ համոզիչ փաստակազմ։
