ՀՀ արտաքին գործերի նախարար Արարատ Միրզոյանը թուրքական «Անադոլու» գործակալութանը տված հարցազրույցում՝ պատասխանելով ԵՄ-ի հետ Հայաստանի մերձեցման մասին հարցին հայտնել է, որ Հայաստանը շարունակում է տարբեր ոլորտներում խորացնել հարաբերությունները ԵՄ-ի և եվրոպական երկրների հետ և շատ ինտենսիվ քաղաքական երկխոսության մեջ է։
Արարատ Միրզոյանը հայտարարել է, որ Հայաստանը համագործակցում է Եվրոպայի հետ՝ ապահովելու իր տնտեսական կայունությունը և տնտեսական ռեսուրսների դիվերսիֆիկացումը։
«Մենք ցանկանում ենք ավելի խորացնել մեր հարաբերությունները Եվրամիության հետ», — ասել է Միրզոյանը:
