Հավաստի լուրեր

Ի՞նչ հարցեր են քննարկվել միջազգային կլոր սեղան-քննարկման ժամանակ | Ոստիկանության 8 ծառայող ազատվել է աշխատանքից. մանրամասներ | Փաշինյանը կարևորել է Հայաստանի և Վրաստանի միջև համագործակցության շարունակական զարգացումը արդարադատության բնագավառում | Պատրաստ եմ անվճար իրականացնել այն զինծшռшյnղների պաշտպանությունը, ում կմեղադրեն Ադրբեջանի հետ շփման գիծը, իրենց ձևակերպմամբ՝ սшhմшնը հատելու և կրшկnցներին ի պատասխան՝ թշնшմnւն խnցելու համար | Քննիչներ են ազատվել զբաղեցրած պաշտոններից․ ո՞րն է պատճառը | Ապրիլի 15-ին ՄԱԿ-ի Արդարադատության դատարանում կշարունակվեն «Հայաստանն ընդդեմ Ադրբեջանի» գործով բանավոր լսումները | ՏԵՍԱՆՅՈՒԹ․ Ինչպես են Աննա Հակոբյանը, դուստրն ու մի խումբ ՔՊ-ականներ գիշերը ժամանակ անցկացրել ռեստորանում | Հայաստանը չի մասնակցել ՀԱՊԿ ռшզմшկшն խորհրդի նիստին | Պուտինը Տիգրան Քեոսայանին շնորհել է ՌԴ վաստակավոր արտիստի կոչում | 36-ամյա տղամարդը փորձել է դшնшկով կտրել 39-ամյա տղшմшրդnւ կոկորդը. ի՞նչ է կատարվել | Լավրովը նոր հայտարարություն է արել | Կառավարության քայլերի հեռանկարում ոսկեպարցի Սամվելի տունը և տնամերձի մի մասն անցնելու է Ադրբեջանին (լուսանկարներ) | Արմեն Գրիգորյանը Վիլնյուսում ներկայացրել է ՀՀ արտաքին քաղաքականության տարբեր ուղղությունները և ներկայիս առաջնահերթությունները | ՏԵՍԱՆՅՈՒԹ․ Վալերիկ Խաչատրյանը nրnնվnւմ է որպես шնhետ կnրшծ | Հայաստանում Ժողովրդավարական կառավարման վարկանիշը նվազել է. Freedom House

Լրահոս

Լրագրողն ընդդեմ Փաշինյանի աջակցի գործով նիստից 40 րոպե առաջ Խաժակ Թանանյանը փորձել է նոր «անակնկալ» մատուցել

Երեկ  Տավուշի մարզի առաջին ատյանի ընդհանուր իրավասության դատարանում Aravot.am-ի լրագրող Հռիփսիմե Ջեբեջյանն ընդդեմ Խաժակ Թանանյանի գործով նիստն էր:

Հիշեցնենք, որ վարչապետ Նիկոլ Փաշինյանի՝ 2023-ի հուլիսի 25-ին տեղի ունեցած հայտնի մամուլի ասուլիսից հետո վիրավորանքների և ոտնձգությունների արշավ էր սկսվել լրագրողների, հատկապես՝ Հռիփսիմե Ջեբեջյանի եւ «NewDay.am» լրատվական կայքի խմբագիր Անի Գևորգյանի նկատմամբ: Ասուլիսից հետո նրանց հասցեին համացանցում եւ էլեկտրոնային նամակներում տարածել էին սպառնալիքներ, ծանր վիրավորանքներ եւ ֆիզիկական հաշվեհարդարի կոչեր:

Փաշինյանի աջակիցներից մեկը՝ «Խաժակ Թանանյան» անունով օգտատերը, ֆեյսբուքյան իր էջում տարածել էր մի կոլաժ, որտեղ մի մեծահասակ կնոջ հետ լրագրողի լուսանկարն էր, վրան գրված՝ «Ես եմ էս լրբի մորքուրը, բայց ես նման բան չեմ ասել էս պոռնիկին»: Լրագրողը հայց էր ներկայացրել դատարան՝ պատիվն ու արժանապատվությունը պաշտպանելու եւ պահանջել ներողություն եւ 400 հազար դրամի բռնագանձում՝ որպես ոչ նյութական վնասի փոխհատուցում:

Հայտնի է, որ Փաշինյանի վերը նշված ասուլիսը տեղի է ունեցել 2023-ի հուլիսի 25-ին, Խաժակ Թանանյանը վիճելի գրառումը կատարել էր հուլիսի 26-ին, այսինքն՝ ասուլիսի հաջորդ օրը: Օգոստոսի 24-ին լրագրողը հայց է ներկայացրել դատարան՝ պահպանելով օրենքով նախատեսված 1 ամսվա ժամկետները, բայց Խաժակ Թանանյանը միջնորդություն է ներկայացրել, թե հայցադիմումի վաղեմության ժամկետն անցել է: Այսօրվա դատական նիստում պետք է քննվեր հայցային վաղեմության հարցը ու անցնեին ապացուցման բեռի բաշխմանը: Բայց այսօր էլ Թանանյանը նոր պատրվակ է գտել՝ նիստերը ձգձգելու:

Aravot.am-ի հետ զրույցում լրագրողի փաստաբան Ռազմիկ Բաղդասարյանն ասաց. «Այսօրվա նշանակված նիստից 40 րոպե առաջ դատարանը ստացել էր դիմում պատասխանող կողմից, որով ՀՀ Քաղաքացիական օրենսգրքի 29-րդ հոդվածով բացարկ էր ներկայացվել դատավորին: Բացարկի հիմքում դրել էին կանխակալ վերաբերմունքը դատավորի կողմից սույն գործով պատասխանողի նկատմամբ: Կանխակալ վերաբերմունքը, ըստ նրանց, արտահայտվել էր նրանով, որ դատավորը նախորդ դատական նիստի ժամանակ արձանագրել էր պատասխանողի հասցեի շահարկումը»:

Բանն այն է, որ նախորդ դատական նիստում ոչ Խաժակ Թանանյանը, ո՛չ նրա ներկայացուցիչը չէին եկել, տեւական ժամանակ դատարանի կողմից ուղարկված ծանուցումները չեն վերցրել, դատարանը մեծ ջանք էր գործադրել՝ համայնքապետարանի միջոցով փորձելով գտնել եւ ծանուցել Թանանյանին: Ավելի ուշ հայցադիմումի պատասխան էին ուղարկել՝ նշելով, թե նախորդ ծանուցումները չեն ստացել, որովհետեւ բնակության եւ հաշվառման հասցեները տարբեր են, բայց ուշագրավ է, որ դատարանին ուղարկված գրության, այդ պատասխանի մեջ որպես իրենց ծանուցման պատշաճ հասցե նշել էին նույն հասցեն, որի հետ թվացյալ կապ չունեին: Հենց դա էր արձանագրել դատարանը, որ հայցադիմումի պատասխանն ուղարկել են այն հասցեով, որն ի սկզբանե համարել էին խնդրահարույց:

Փաստաբանի խոսքով՝ «Թանանյանը պարբերաբար շարունակել էր հայեցողական գործելաոճ  դրսեւորել ու ստանալ այն ծանուցագրերը, դատավարական այն փաստաթղթերը, որոնք իրեն անհրաժեշտ են: Այս փաստն արձանագրվել է: Այդ հիմքով ներկայացվել է դատավորին բացարկի միջնորդություն: Սա հետապնդում է մեկ նպատակ՝ քանի դեռ բացարկի կամ ինքնաբացարկի հարցը քննված չի, գործի քննությունը դադարեցվում է, մինչեւ դրա վերաբերյալ որոշում կայացվի: Մենք հանդես եկանք դիրքորոշմամբ, որ այստեղ ունենք Քաղաքացիական դատավարությամբ սահմանված սկզբունքների խախտում, մասնավորապես, 14-րդ հոդվածով դատավարական իրավունքների չարաշահման անթույլատրելիության սկզբունքը: Գործ ունենք պատասխանողի հետ, ով ամեն կերպ փորձում է ձեւական իմաստով դատական նիստերը հետաձգել:

Նախորդ ժամանակ իրավունքի չարաշահում արեցին՝ ներկայացրեցին հայցային վաղեմություն կիրառելու միջնորդություն՝ ուղղակի անհիմն պատճառաբանությամբ՝ ինչ-որ ժամկետներից կախվելով ու մեջբերումներ անելով, որը իրականության հետ աղերս չուներ: Երբ տեսան, որ սահմանված դատավարական ժամկետում ներկայացրեցինք մեր կողմից ապացուցման բեռով սահմանված ապացույցները, հաջորդ քայլով կատարեցին նախագահող դատավորին բացարկի միջնորդություն: Հատկանշական է այն հանգամանքը, որ այս անձինք ներկայացնում են միջնորդություն դատարան առձեռն, կցում դատարանի միջնորդությանը հացվոր կողմին ուղարկած լինելու վերաբերյալ փոստային առաքանու անդորրագիր 14:40-ի սահմաններում՝ դատական բուն նիստը սկսելուց 40 րոպե առաջ: Սա դատավարական իրավունքների չարաշահման վառ օրինակ է, որովհետեւ լինելով դատավարության մասնակիցներ, իրենք իրենց իրավունքներից օգտվում են ոչ բարեխղճորեն, չարաշահում են իրենց իրավունքները, հետապնդում են նպատակ՝ դատավարական պրոցեսը հետաձգելու»: Թե ինչի՞ են ուզում հասնել ձգձգելով՝ փաստաբանն ասաց. «Ըստ իս, քանի որ դատական նիստերն ընթանում են Տավուշի մարզի դատարանում՝ Իջեւանի նստավայրում, իսկ իրենք քաջատեղյակ են, որ Հռիփսիմե Ջեբեջանը, նաեւ վերջինիս ներկայացուցիչները Երեւան քաղաքից են գալիս, երեւի փորձում են ամսվա ընթացքում 2-3 անգամ Երեւան-Իջեւան ճանապարհային ուղղությամբ տանել-բերելով մեզ նյարդայնացնել, հունից հանել: Բայց միանգամից ասեմ, որ դա չի ստացվի»:

Facebook
Twitter

Կարդացեք նաև

Տեսանյութեր

Մամուլ

Օրացույց

Ապրիլի 2024
Ե Ե Չ Հ Ու Շ Կ
1234567
891011121314
15161718192021
22232425262728
2930