Ճեպազրույցում ՌԴ նախագահի մամուլի քարտուղար Դմիտրի Պեսկովը ասել է, որ Հայաստանը ԵՄ դիտորդական առաքելությանը հրավիրում է միակողմանի՝ առանց Ադրբեջանի կարծիքը հաշվի առնելու։
Ըստ Պեսկովի՝ հարցն այն է, թե որն է մոնիտորինգի առարկան և արդյոք այդ առաքելությունը ճանաչված է ադրբեջանական կողմից: Ինքը կասկածում է, որ նման մանդատն այնտեղ ըմբռնումով կընդունվի։
Պեսկովի խոսքով` «սա Երևանի միակողմանի որոշումն է»:
Պեսկովը նաև ասել է, որ դա կարող է կասկածի տակ դնել նման առաքելության հնարավոր արդյունավետությունը:
Նշենք, որ Ազգային ժողովն այսօր վավերացրեց «ՀՀ-ի և ԵՄ-ի միջև Հայաստանում ԵՄ առաքելության (ՀԵՄԱ) կարգավիճակի մասին» համաձայնագիրը:
