ՀՀ վարչապետ Նիկոլ Փաշինյանի որոշմամբ՝ Գայանե Գաբրիելյանն ազատվել է շրջակա միջավայրի փոխնախարարի պաշտոնից։
Համապատասխան որոշումը վարչապետը ստորագրել է այսօր՝ մարտի 21-ին։
«Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Գայանե Գաբրիելյանին ազատել շրջակա միջավայրի նախարարի տեղակալի պաշտոնից»,- ասված է որոշման մեջ:
Հիշեցնենք, որ Գաբրիելյանը շրջակա միջավայրի նախարարի տեղակալի պաշտոնում էր նշանակվել 2021 թվականի հուլիսի 23-ին: Մինչ այդ նա զբաղեցնում էր ՀՀ Էկոնոմիկայի նախարարության Հանրային ներդրումների քաղաքականության վարչության պետի պաշտոնը։
