Գորիսում շարունակվում են ճանապարհների, բակերի և ենթակառուցվածքների վերակառուցման աշխատանքները: Ինչպես նախորդ տարիներին, այնպես էլ 2024 թվականին համայնքի գլխավոր և ծայրամասային թաղամասերում շինարարական եռուզեռը չի դադարել։
Համայնքի ղեկավար Առուշ Առուշանյանը հերթական այցն է կատարել շինհրապարակներ, հետևել աշխատանքների ընթացքին։ Առուշանյանն ընդգծել է, որ կատարվող աշխատանքներում առաջնահերթ ուշադրություն պետք է դարձնել բարձր որակին։
Այս փուլում իրականացվող աշխատանքներն իրականացվում են համայնք -կառավարություն համագործակցությամբ` սուբվենցիոն ծրագրերի շրջանակում։
Հիշեցնենք, որ այս պահին վերակառուցվում են Անկախության փողոցի եզրառուներն ու մայթերը։
Սուբվենցիոն ծրագրի շրջանակում վերակառուցվում է Թումանյան փողոցը, Հին Գորիս պատմական թաղամասը` 45% կառավարության, 55% համայնքի համաներդրմամբ։
Ընթացքի մեջ է նաև Գ. Նժդեհի 22 հասցեի բազմաբնակարան շենքի վերակառուցման ծրագիրը, որի ավարտին 18 բնակարանների բանալիները կհանձնվեն Արցախից բռնի տեղահանված և տեղացի ընտանիքներին
Գորիսի համայնքապետարան
