Ոստիկանները դարձյալ արգելեցին Տավուշի թեմի առաջնորդ Բագրատ արքեպիսկոպոս Գալստանյանի մուտքը Կիրանց գյուղ։
«Մենք երեքս՝ ես, պարոն Սուրեն Պետրոսյանը, պատգամավոր Գառնիկ Դանիելյանը, ուզում էինք գնալ ժողովրդին տեսնել, մարդկայնորեն, հոգևոր իմաստով, զուտ հասկանալու՝ ոնց են, վիճակներն ինչպես է, և մեր ահասարսուռ ոստիկանները որոշեցին, որ այդ ողորմությունը չպետք է անեն։ Մենք ընդամենը գնալու էինք 5-10 րոպեով տեսնեինք, այլ բան չկա», — լրագրողների հետ զրույցում ասաց Բագրատ Սրբազանը։
Դիտարկմանը՝ թե հայտարարվել է, որ տարածքում ականազերծում է իրականացվում և անվտանգության նկատառումներից ելնելով է մարդկանց մուտքն արգելվում, Տավուշի թեմի առաջնորդը պատասխանեց, որ այդ ամենն անօրինական է արվում»,- նշեց Բագրատ Սրբազանը։
«Այդ դեպքում ինչո՞ւ են մյուսներին թողնում։
Ըստ Սրբազանի՝ լրիվ անօրինական է իրենց տեղաշարժն արգելելը։ Իրենք ոչ ականապատ դաշտ էին մտնում, ոչ որևէ այլ բան անում, գնում էին այն տարածքը, որտեղ ժողովուրդ կա, բարևեն, ասեն շնորհակալություն հաց ու ջրի համար։ Այդ մարդիկ իրենց խնամել են, հասկանում ե՞ք։
Հարցին՝ կա՞ն արդյոք տեղեկություններ ականազերծման աշխատանքների վերաբերյալ, Բագրատ Սրբազանը պատասխանեց, որ իրենք տեղյակ չեն ։
