ՀՀ գլխավոր դատախազ Աննա Վարդապետյանն այսօր մանրամասներ հայտնեց 2023 թվականի գոստոսի 18-ին համացանցում տարածված տեսանյութի վերաբերյալ, որտեղ կինը բռնության էր ենթարկում անչափահաս աղջկան:
Նա ԱԺ-ում այսօր հայտարարեց, որ գործն արդեն դատարանում է։
Ըստ Վարդապետյանի՝ գործի շրջանակներում 11 դրվագ է բացահայտվել։ Գործի վերաբերյալ հատուկ տեղեկատվություն չեն զետեղել իրենց կայքում, քանի որ այդ երեխաները մեծանալու են և ապրելու են մեր հասարակության մեջ։ Իրենք ուզում են, որ այն մարդիկ, ովքեր արել են այդ արարքը, պատժվեն։
Նա նաև նշեց, որ գործից անջատված մաս կա, որը վերաբերում է քրեակատարողական հիմնարկում գտնվող անձին։
Իրենք դեռ պետք է քննեն ու հասկանան, թե ինչպես է «Նուբարաշեն» ՔԿՀ-ում գտնվող անձը 11 ամիս շարունակ շահագործել հեռախոս կոնկրետ IP հասցեով, ոնց է ունեցել հասանելիություն էլեկտրոնային հարթակներին։