Օրերս Տավուշի մարզի առաջին ատյանի ընդհանուր իրավասության դատարանի՝ Իջևան քաղաքի նստավայրում տեղի է ունեցել ԱԺ նախկին պատգամավոր, դաշնակցական Սուրեն Մանուկյանի գործով դատական նիստը։
Նրա խափանման միջոց կալանքը երկարաձգվել է։
Դատական նիստի ընթացքում Սուրեն Մանուկյանը հայտարարեց, որ Նիկոլ Փաշինյանը և ՔՊ-ական պատգամավոր Վահագն Ալեքսանյանը առանց դատարանի որոշման օրերս որպես փաստ ներկայացրել են, թե իբր ինքը մարդ է առևանգել։
Դատարանի դահլիճում Սուրեն Մանուկյանը Նիկոլ Փաշինյանի և Վահագն Ալեքսանյանի մասին մի շարք հայտարարություններ էր ուզում անել, սակայն դատավորը կանխեց։ Սուրեն Մանուկյանը այդ հայտարարություները արեց դատական նիստի ավարտից հետո։
Հիշեցնենք, որ Սուրեն Մանուկյանին մեղադրանք է առաջադրվել ԱԺ նախկին պատգամավոր Խաչատուր Քոքոբելյանի հոր` Գրիշա Քոքոբելյանի ենթադրյալ առևանգման հետ կապված: Սուրեն Մանուկյանն իրեն առաջադրված մեղադրանքը չի ընդունում:
Մանրամասները՝ տեսանյութում։