ԱԺ «Պատիվ ունեմ» խմբակցության քարտուղար Տիգրան Աբրահամյանը լրագրողների հետ զրույցում հայտնեց, որ երեկ հանդիպում են ունեցել շարժման նախաձեռնության առաջնորդների հետ։ Այդ քննարկման հիմնական նպատակը եղել է այդ պահին ֆիքսելու խորհրդարանական ընդդիմադիր ուժերի պատրաստակամությունը, այս պահին սպասարկելու այն օրակարգը, որը կապված է վարչապետին անվստահություն հայտնելու գործընթացի հետ։
Աբրահամյանի խոսքով՝ շարժման առաջնորդներին հայտնել են իրենց պատարաստակամությունը՝ գործընթացի մեջ մտնելու համար։
«Այս փուլում քննարկումը հիմնականում սահմանափակվել է դրանով։ Որոշակի ընթացակարգային հարցեր են, որոնց մի մասը տեխնիկական է, մի մասը մեզանով պայմանավորված չի։ Բայց մենք մեր մասով մեր պատրաստակամությունը հայտնել ենք»,- նշեց Տիգրան Աբրահամյանը։
