Քաղբանտարկյալներ Նարեկ Սամսոնյանի և Վազգեն Սաղաթելյանի գործով նախնական դատալսումը հետաձգվեց՝ նիստը նախագահող դատավորի ինքնաբացարկի պատճառով։
Նիստը նախագահող Տիգրան Ոսկանյանը հայտարարեց, որ իր կողմից գործի առնչությամբ տրվել է գնահատական և կայացվել է դատավճիռ։
«Ուստի սույն քրեական վարույթով որոշում եմ կայացրել՝ հայտնել ինքնաբացարկ։ Սույն քրեական գործը սահմանված կարգով կներկայացվի վերաբաշխման, իսկ դատարանի որոշումը կուղարկվի կողմերին»,- ասաց նա։
