ԱԺ-ում լրագրողների հետ զրույցում ՀՀ ԶՈւ գլխավոր շտաբի պետ Էդվարդ Ասրյանը նշեց, որ սահմանազատումից հետո, այո՛, սահմանապահները սահմանին իրականացնում են ծառայություն, բայց տվյալ ուղղություններում, Զիված ուժերն ունեն կանոնավոր ստորաբաժանումներ, որոնք պատրաստ են իրենց առաջ դրված խնդիրը լուծել։
Նա ևս մեկ անգամ խնդրեց իրեն «հող հանձնելու» մասին հարցադրում չանել։
Նա ասաց, որ ինքը քաղաքացիական ենթակառուցվածքի խնդիր չի լուծում՝ տներ, տարածքներ, հողամասեր։ Այո՛, վստահ է, որ տրված տարածքները ՀՀ-ի տարածքները չեն։
Իսկ թե ինչի՞ հիման վրա է պնդում՝ արձագանքեց. «Ես չեմ պնդում, դա պնդում է սահմանը, որը արտացոլված է մեր քարտեզների վրա»։
Թե ինչպե՞ս էին մարդիկ սեփականության վկայական ստացել՝ Ասրյանըասաց, որ հարցը պետք է ուղղել ՊԵԿ-ին, դա իրենց գործառույթը չի։
Նա նաև ասաց, որ ինքը ունի քարտեզներ, որտեղ արտացոլված է սահման, իսկ թե սահմանի ներսում, դրսում քաղաքացիական անձը կամ իրավաբանական անձն ունի՞ հողամաս, տուն, կառույց, դա իր գործառույթը չէ։
