Կառավարության այսօրվա նիստում ՀՀ վարչապետ Նիկոլ Փաշինյանը ասաց, որ ՌԴ գործընկերները լայնածավալ աշխատանքներ են տանում երկաթուղու վերականգնման ուղղությամբ։
Նրա խոսքով` կառավարությունն ակտիվորեն աշխատում է միջազգային գործընկերների հետ նոր կամուրջների կառուցման ուղղությամբ, և հույս կա, որ նրանք աջակցություն կցուցաբերեն։
Արարատ Միրզոյանն էլ ասաց, որ առնվազն մի քանի գործընկեր նման պատրաստակամություն է հայտնել, հատկապես՝ կամուրջների շինարարության հարցում։
Փաշինյանը ասաց, որ առաջին փուլում իրենք օբյեկտիվորեն միջազգային աջակցության կարիքը` թեկուզ մաքրման աշխատանքների, որոնողափրկարարական աշխատանքների համար, չունեին։ Այ հիմա է, որ վերականգնման և մարդկանց վնասները փոխհատուցելու հարցում իրենք իրական աջակցության կարիք ունեն, և շատ կարևոր է, որ միջազգային գործընկերների հետ խոսակցություններում աջակցության հնարավոր ձևերի ցանկ ունենան, որպեսզի իրենց գործընկերներն իրենց հարմար տարբերակ ընտրեն։
