Հավաստի լուրեր

Փաշինյանն ու Մակրոնը քննարկել են հայ-ադրբեջանական կարգավորումը | Նիկոլի կառավարությունը, դժգոհ լինելով ՀԱՊԿ-ից, մերձենում է Ֆրանսիայի հետ՝ «լրացնելու վակուումը» | ՏԵՍԱՆՅՈՒԹ. Երևանում ընդհանուր 500-ից ավելի մեծ տեղեկատու դաշտով գովազդային վահանակ է ապամոնտաժվել | ՏԵՍԱՆՅՈՒԹ. Վատ է, որ Ալիևին Փաշինյանը հասցրել է մի մարզավիճակի, որ մեզ վրա տարբեր մատներ է բարձրացնում. Աշոտյան | ՏեՍԱՆՅՈՒԹ. Թեժ իրավիճակ Կարմիրսարի հանքավայրի թեմայով ասուլիսին. գյուղացիները բացատրություն պահանջեցին | ՏԵՍԱՆՅՈՒԹ. Արդյոք Գարիկ Սարգսյանը փայ ունի Կարմիրսարի հանքավայրից և կա նաև թուրքական հետք | ՈՒՂԻՂ. Կարմիրսարի հանքավայրի շահագործման ռիսկերը. թեժ քննարկում | Փաշինյանը չի պատասխանել խաղաղության պայմանագրի վերաբերյալ հարցին, իսկ Ալիևը բութ մատն է վերև պարզել | Նիկոլն ամեն ինչ անում է, որպեսզի Թուրքիան հնարավորություն ստանա նոր ցեղասպանության և էթնիկ զտումների ենթարկի Հայաստանի Հանրապետությանը | ՏԵՍԱՆՅՈՒԹ. Երևանում կառուցվում է 20 կմ ոռոգման ցանց, 10 կմ արդեն պատրաստ է | ՈՒՂԻՂ. Կանանց կուսակցությունը Արշակ Կարապետյանի հետ հուշագիր է ստորագրել. մանրամասներ | ՏԵՍԱՆՅՈՒԹ․ Մնալու եմ քաղաքականության մեջ. գործարքի գնում են գործակատարները, ես գործակատար չեմ. Մամիկոն Ասլանյան | ԲԴԽ-ն դադարեցրեց դատավոր Աննա Դանիբեկյանի լիազորությունները | Մամիկոն Ասլանյանի ապօրինի ազատազրկման օրվանից ի վեր բազմիցս նշել եմ, որ վանաձորցուց գողացված քվեն պետք է վերադարձվի. Վանեցյան | ՏԵՍԱՆՅՈՒԹ․ Երևանի ծառերն անձնագրավորում են

Լրահոս

Գրքի երևանյան յոթերորդ փшռшտnնը հայտարարում է գրական մրցnւյթ

Երևանի քաղաքապետարանի աշխատակազմի լրատվության վարչությունից NewDay.am-ին հայտնում են․

Գրքի երևանյան յոթերորդ փառատոնը հայտարարում է գրական մրցույթ՝  «Արձակ», «Դրամատուրգիա», «Մանկապատանեկան գրականություն», «Պոեզիա» անվանակարգերում:

Առանց տարիքային սահմանափակման մասնակցության հայտ կարող են ներկայացնել բոլոր գրողները, որոնք ՀՀ քաղաքացի են: Ստեղծագործությունները պետք է լինեն հայերեն: Փառատոնում նախորդ տարիներին մրցանակային տեղեր զբաղեցրած հեղինակներն այս տարի նույն անվանակարգերում դիմել չեն կարող: Մրցույթին ներկայացվող աշխատանքները պետք է հրատարակված և հրապարակված չլինեն:
Նույն հեղինակը կարող է հայտ ներկայացնել միայն մեկ անվանակարգում։

Մրցույթին պետք է ներկայացնել

«Արձակ» անվանակարգում.
կամ երկու պատմվածք
կամ երկու էսսե
կամ վեպից (վիպակից) հատված (նվազագույնը՝ 4000, առավելագույնը՝ 4500 բառ, առանձին կցել նաև աշխատանքի բովանդակային նկարագրությունը՝ մինչև 400 բառ, որտեղ անպայման նշել նաև ուղարկվող հատվածի բառերի թիվը: Ստեղծագործության բառային սահմանափակումը վերաբերում է նաև պատմվածքներին և էսսեներին):

«Դրամատուրգիա» անվանակարգում.
մեկ պիես:

«Մանկապատանեկան գրականություն» անվանակարգում.
կամ երկու հեքիաթ
կամ երկու պատմվածք
կամ մեկ պատկերազարդ պատմություն
կամ տասը բանաստեղծություն
կամ վեպից (վիպակից) հատված (նվազագույնը՝ 4000, առավելագույնը՝ 4500 բառ, առանձին կցել նաև աշխատանքի բովանդակային նկարագրությունը՝ մինչև 400 բառ, որտեղ անպայման նշել նաև ուղարկվող հատվածի բառերի թիվը: Ստեղծագործության բառային սահմանափակումը հեքիաթին, պատմվածքին, պատկերազարդ պատմությանը, բանաստեղծությանը չի վերաբերում):

«Պոեզիա» անվանակարգում
տասը բանաստեղծություն:

Գործերը ժյուրիի գնահատմանն են ներկայացվելու ԱՆԱՆՈՒՆ։ Այն հայտերը, որոնք կպարունակեն հեղինակի վերաբերյալ ուղղակի կամ անուղղակի տեղեկություն (անուն, ստեղծագործության վերնագիր, նույնականացվելու որևէ տվյալ) չեն դիտարկվի: Եթե, այնուհանդերձ, տեքստը տրվի ժյուրիի անդամներին, և գնահատման փուլում վերջինները նկատեն նույնականացման փորձ, ապա հայտը կչեղարկվի:

Հաղթողները (ամեն անվանակարգում՝ մեկական) կստանան դրամական պարգև 500000-ական դրամ (ներառյալ հարկերը):

Մասնագիտական ժյուրիի կազմում են.

«Արձակ» անվանակարգ.
Ալվարդ Սեմիրջյան
Անի Հովնանյան
Արքմենիկ Նիկողոսյան
Սիրանուշ Դվոյան
Սուսաննա Հարությունյան:

 «Դրամատուրգիա» անվանակարգ.
Անահիտ Արամունի Քեշիշյան
Գևորգ Սահակյան
Ռուբեն Բաբայան
Սաթէ Խաչատրյան
Տաթև Հովակիմյան:

«Մանկապատանեկան գրականություն» անվանակարգ.
Նարինե Գիժլարյան
Ռուզան Տոնոյան
Սաբեթ Հովհաննիսյան
Վանուհի Բաղրամյան
Վարդուհի Բալոյան:

«Պոեզիա» անվանակարգ.
Արփի Ոսկանյան
Հակոբ Մովսես
Հասմիկ Սիմոնյան
Հենրիկ Էդոյան
Ներսես Աթաբեկյան:

Հայտերի գնահատման չափանիշները.

«Արձակ» անվանակարգ՝ տեքստային իրացումը, հեղինակային լեզուն և ոճը, դիպաշարի կառուցումը, արդիականությունը, նորարարական-փորձարարական արժեքը:

«Դրամատուրգիա» անվանակարգ՝ ձևն ու բովանդակությունը, կառուցումը, լեզուն և ոճը, արդիականությունը, նորարարական-փորձարարական արժեքը:

«Մանկապատանեկան գրականություն» անվանակարգ՝ գրավիչ և հագեցած սյուժեն, տեքստի համապատասխանությունը թիրախային խմբի հետաքրքրություններին, բովանդակության ուսանելիությունը, կառուցվածքը, շարադրանքի դյուրըմբռնելիությունը, հեղինակային ոճը:

«Պոեզիա» անվանակարգ՝ տեքստային իրացումը, հեղինակային լեզուն և ոճը, ազդեցության աստիճանը, արդիականությունը, նորարարական-փորձարարական արժեքը:

Հայտի փաթեթն անհրաժեշտ է ուղարկել evnbookfest@gmail.com հասցեին «word» ձևաչափով (բոլոր գործերը՝ մեկ ֆայլում): Ֆայլում ՉՊԵՏՔ է նշել անուն-ազգանուն կամ կեղծանուն: «Նամակի դաշտ»-ում հարկ է նշել կոնտակտային տվյալները, իսկ «թեմա» տողում՝ գրողի անուն-ազգանունը և անվանակարգը (օրինակ՝ Հովհաննես Գրիգորյան, «Պոեզիա» անվանակարգ):

Հայտերի ընդունման վերջնաժամկետը 2024 թ. հուլիսի 12-ն է (ներառյալ)։

Հայտարարության պահանջներին չհամապատասխանող հայտերը չեն դիտարկվելու։ Հաղթողների անունները հայտնի կդառնան սեպտեմբերի 8-ին՝ Գրքի երևանյան յոթերորդ փառատոնի փակման արարողության ժամանակ։

Փառատոնը տեղի կունենա սեպտեմբերի 6-8-ը՝ Հայաստանի ազգային պատկերասրահում:

Գրքի երևանյան յոթերորդ փառատոնն իրականացնում են Եղիշե Չարենցի անվան գրականության և արվեստի թանգարանը և «Գրքի փառատոն» կրթամշակութային հասարակական կազմակերպությունը ՀՀ կրթության, գիտության, մշակույթի և սպորտի նախարարության և Եվրոպական միության «Վերսոպոլիս» նախագծի աջակցությամբ:

Փառատոնի գլխավոր հովանավորը Երևանի քաղաքապետարանն է:

Facebook
Twitter

Կարդացեք նաև