Խորհրդարանական ճեպազրույցների ժամանակ «Պատիվ ունեմ» խմբակցության ղեկավար Հայկ Մամիջանյանը ասաց, որ այս շարժման հետ կապված փորձում են անընդհատ տերեր փնտրել։
Ըստ նրա՝ այս շարժման տերը ժողովուրդն է, այն նմանությունները, որոնք երբեմն տեսնում են 2018-ին իրականացված այս կամ այն գործողություննեի հետ, դրանք ընդամենը ոչ բռնի, խաղաղ անհնազանդության մեթոդներ են, որ ընդունված են ամբողջ աշխարհում, ու դրանք Փաշինյանը չի հորինել։
«Իրեն 2018 թվականին թղթի վրա գրած տվել են, որ կբարձրանաս փշալարի վրա, ձեռքդ կճղվի, ասել են՝ քանի որ դու և բանակը անհամատեղելի եք, զինվորական շորեր կհագնես, մի աղջիկ ներքնազգեստով պիտի բան փակի, ասել են կպառկես այսինչ տեղը, այն զույգը ոստիկանական պատնեշի մոտ պետք է համբուրվի։
Սրանք դասագրքային բաներ են, որ ընդունված են ամբողջ աշխարհում՝ արտաքին ուժերի կողմից իրականացված փողոցային գործողությունների ժամանակ։ Սրբազան պայքարի ընթացքում շատ հաճախ նկատվում են որոշ տեխնիկական թերություններ, որովհետև մեզ թղթով տվող դրսից չկա»,- նշեց նա։
Մամիջանյանը հավելեց, որ 2018-ին շատ քաղաքացիներ հուսախաբվել են ու հիմա դժվար են մասնակցում Սրբազան պայքարին։
