Այս խրամատում պետք է մնան նրանք, ովքեր հավատում են, Սուրբ Աննա եկեղեցու բակում հայտարարեց Բագրատ Սրբազանը
«Անկախ նրանից, թե մենք բարձունքում ենք, ստորոտում ենք, թե ամենատակն ենք, կապ չունի, պետք է հավատողները մնան: Մենք սխալներ էլ կունենանք, ճիշտ բաներ էլ, վայրէջքներ ու վերելքներ էլ կունենանք, բայց դա մեր ճանապարհն է, ամեն մեկիս ընտրած ճանապարհն է: Ես շատ ուրախ եմ, որ մեր շարժումը զտվող, զուլալվող շարժում է, որպեսզի հետք այն կենսունակ դառնա»,-նշեց նա:
Բագրատ Սրբազանի խոսքով՝ այն, ինչ սկսել են պետք է ավարտին հասցնեն։
«Դա անհրաժեշտություն է: Ոչ թե՝ հնարավոր է, թե հնարավոր չէ, այլ անհրաժեշտությու՞ն է, թե՝ ոչ։Այս երկրորդ հարցադրումը մենք պետք է անենք: Ու եթե որոշել ենք, որ անհրաժեշտություն է, ուրեմն պետք է հասնենք մեր առջև դրված նպատակներին: Մենք արդեն իսկ փոփոխությունների ժամանակներ ենք ապրում, մեզ մնում է պարզապես թղթի վրա դա վավերացնել»: Յուրաքանչյուրիդ մասնակցությունը չափազանց կարևոր է»,-ընդգծեց նա:
