Նիկոլ Փաշինյանի նախորդ տարվա հուլիսի 25-ի աղմկահարույց ասուլիսից հետո Փաշինյանի աջակիցները սպառնալիքներով ու վիրավորանքներով լի մեկնաբանություններ էին գրում Անի Գևորգյանի և Հռիփսիմե Ջեբեջյանի հասցեին։ ՔՊ աջակիցներից Դիանա Մարտիրոսյանն անգամ փողոցում փորձել էր իրագործել սպառնալիքները՝ հնչեցնելով նաև վիրավորական արտահայտություններ։ Եվ Հռիփսիմե Ջեբեջյանը և Անի Գևորգյանը դիմել էին դատարան։ Երկու դեպքում էլ մեկ տարուց ավել քննելուց հետո դատարանը բավարարել է դրանք։
Անի Գևորգյանի հայցն ամբողջությամբ է բավարարվել։ Կոտայքի մարզի առաջին ատյանի ընդհանուր իրավասության դատարանի դատավոր Նարինե Թորոսյանի կողմից վճիռ է կայացվել՝ պարտավորեցնել Դիանա Մարտիրոսյանին ներողություն խնդրել և փոխհատուցել Անի Գևորգյանի պատվին ու արժանապատվությանը վնաս պատճառելու համար։ Փոխհատուցման չափը 400 հազար դրամ է։
Դատարանը պարտավորեցրել է ներողություն խնդրել «շիստյորկա, անինքնասեր դիշովկա» արտահայտությունների համար։
Դատարանը վճռի հիմնավորման մեջ նշել է, որ չնայած օտարալեզու բառեր են, բայց հանրային ընկալման մեջ դրանք ակնհայտորեն հայցավորի արժանիքները նսեցմացնող են․ որակում են որպես անարժեք, կշիռ չունեցող։
Ներկայացնում ենք նաև դատարանի վճռից հատվծներ, դրանք հրապարակել է Անի Գևորգյանի ներկայացուցիչներից Ռազմիկ Բաղդասարյանն իր ֆեյսբուքյան էջում։
Անի Գևորգյանի մյուս ներկայացուցիչը եղել է փասատաբան Շուշան Ավետիսյանը։
