Հայաստանի Հանրապետության դատախազության, Արդարադատության նախարարության և Եվրաջասթի միջև համաձայնագիր կստորագրվի։ Դա տեղի կունենա սեպտեմբերի 23-ին, երբ Հայաստան կժամանի Եվրաջասթի նախագահը։
Որոշումն ընդունվեց կառավարության այսօրվա նիստում։
ՀՀ գլխավոր դատախազ Աննա Վարդապետյանն ասաց, որ, մինչ այս, Հայաստանը ոչ ֆորմալ ձևաչափով է համագործակցել Եվրաջասթի հետ, ընդհանուր 68 հարցում են ուղարկել։
«Հարցումներով տարբեր տվյալներ ենք հայցում, իրավունք չունենք հրապարակել, բայց օգտագործում ենք քրեական վարույթների շրջանակներում»,- ասաց նա։
Վարդապետյանի խոսքով՝ Եվրաջասթն ունի տեղեկատվական բազա, որտեղ հասանելի են գույքերի վերաբերյալ տվյալներ, որոնք քրեական վարույթի շրջանակներում Հայաստանն իրավունք ունի հայցել ու ստանալ։
«Եվրաջասթը հարցում կատարող մարմին չէ, այն օպերատիվ պլատֆորմն է, որը մեզ հնարավորություն է տալիս անմիջականորեն կոնտակտ հաստատել այն երկրի հետ, որտեղ ուղարկել ենք հարցումը»,-
