Իշխանությունն իր ուժերը մոբիլիզացրել է, որպեսզի Արցախի հետ տեղի ունեցածի պատասխանատվությունը բաշխի բացառապես արցախցիների վրա` հնարավորինս ստվերում պահելով Արցախն ուրացած ու հանձնած գլխավոր պատասխանատուներին։ Այդ մասին հայտարարել է ԱԺ պատգամավոր Տիգրան Աբրահամյանը։ Փաշինյանն ու ՔՊ-ականները հակաարցախյան տրամադրություններ են հրահրում՝Արցախի հանձնումն արցախցիների վրա բարդելու, ինչպես նաև Բաքվի պահանջները կյանքի կոչելու համար։ ՔՊ-ականներն ՀՀ-ում բնակվող արցախցիներին ընկալում են, որպես ընդդիմության աջակիցներ և իշխանափոխության հիմնական դերակատարներ՝դրա համար Փաշինյանին ձեռնտու է, որպեսզի ՀՀ-ում հակաարցախյան հանրային տրամադրություններ ստեղծվեն, իսկ հնարավորության դեպքում արցախցիներն արտագաղթեն ՀՀ-ից։ Արցախցիների արտագաղթը ՀՀ-ից ձեռնտու է Փաշինյան-Ալիև դաշինքին։ Գործող իշխանությունների համար Արցախը ոչ թե հաղթանակների խորհրդանիշն է ու հայկական սրբավայր, այլ բեռ, որից նրանք ձերբազատվեցին՝պատերազմի քողի տակ Բաքվին հանձնելով ողջ Արցախը։ 2018թ․-ին ՔՊ-ական թիմն իշխանության էր բերվել Արցախը հանձնելու և Սյունիքով դեպի Նախիջևան ու Թուրքիա ճանապարհ տրամադրելու համար։ Արցախը հանձնված է, իսկ երկրորդ փուլում ՔՊ-ն պետք է Բաքվին տրամադրի «Զանգեզուրի միջանցք», ինչն էլ իրականացվելու է կամ բանակցություններով կամ նոր պատերազմի իմիտացիայով՝Սյունիքը հայաթափելով ու հայտարարելով, որ աշխարհը չօգնեց ՀՀ-ին և դրա համար պետք է Բաքվին միջանցք տրամադրել:
Անդրանիկ Պետրոսյան
