2025 թվականին մենք արդեն կունենանք Երեւանից դեպի Գյումրի ամբողջովին կառուցված Հյուսիս-հարավ ճանապարհ, ինչը էական մեծ նշանակություն ունի: Այս մասին, այսօր՝ սեպտեմբերի 19-ին, Երեւանում ընթացող Համաշխարհային հայկական երկրորդ գագաթնաժողովի ժամանակ նշեց ՏԿԵ նախարար Գնել Սանոսյանը:
«Սա կարեւոր պատճառ կլինի, որ Գյումրու Շիրակ օդանավակայանին որոշակի հավելյալ արտոնություններ տանք եւ մի շարք ավիաընկերությունների հրավիրենք Գյումրիից թռիչքներ կատարելու՝ հաշվի առնելով, որ Երեւանից Գյումրի հասանելիությունը կդառնա մեկ ժամ: Դա, կարծում եմ՝ նորմալ ժամանակ է դեպի օդանավակայան գնալու համար»,-ասաց նա:
