Ուկրաինայի նախագահ Վլադիմիր Զելենսկին առաջին անգամ հայտարարել է, որ պատրաստ է հրադադարի՝ գործող ռազմաճակատի երկայնքով։ Ըստ իտալական Corriere della Sera թերթի, դրա դիմաց Զելենսկին պահանջում է «անվտանգության երաշխիքներ ԱՄՆ-ից, ինչպես որ ամերիկացիները տվել են Ճապոնիային, Հարավային Կորեային և Ֆիլիպինրին»։ Բացի այդ, Հռոմից, Փարիզից և Բեռլինից՝ եվրոպական մայրաքաղաքներից, որոնք Զելենսկին կայցելի այսօր և վաղը, նա հույս ունի երաշխիքներ ստանալ, որ Ուկրաինան շուտով կմիանա Եվրամիությանը։ Մասնավոներապես, Զելենսկին մտադիր է Իտալիայում հանդիպել Հռոմի պապի, ինչպես նաև Իտալիայի վարչապետ Ջորջիա Մելոնիի հետ։ «Հոկտեմբերին, նոյեմբերին և դեկտեմբերին մենք իրական հնարավորություն ունենք իրավիճակը տանելու դեպի խաղաղություն և հաստատուն կայունություն։ Ռազմաճակատում տիրող իրավիճակը հնարավորություն է տալիս վճռական գործողությունների՝ պատերազմն ավարտելու համար ոչ ուշ, քան 2025 թվականը»,- գրել էր Զելենսկին նախօրեին։
