Նախորդ տարիներին, եթե անգամ ունեցել ենք դրական ցուցանիշներ, դրանք խիստ համեստ են եղել։ Այս տարի ակնհայտ է՝ բիզնեսը Հայաստանից փախչում է։ Կայունության չորս հենանիշ կա, որ բիզնեսի համար կարևոր է՝ ֆիսկալ կայունություն, դրամավարկային ֆինանսական կայունություն, քաղաքական կայունություն, անվտանգային կայունություն։ Վերջինն ամենակարևորն է. դուք չեք տեսնի ներդրումներ Սիրիայում, Գազայում, որևէ այլ կոնֆլիկտային գոտում,- 168TV-ի «Ռեվյու» հաղորդաշարի եթերում ասել է Հանրային ֆինանսների կառավարման միջազգային փորձագետ, «Վալլեքս» խմբի ընկերությունների ավագ փոխնախագահ Վարդան Արամյանը։
«Մենք ունենք խնդիրներ նաև տնտեսական քաղաքականության մեջ. ամենավտանգավորը անիրատեսական թիրախներն են։ Կառավարությունը պետք է վարքագիծը փոխի, տնտեսական աճի ցուցանիշները ճիշտ կանխատեսի, ականջալուր լինի ֆինանսների նախարարության հորդորներին»։ Հարցազրույցը՝ տեսանյութում։
