«Դուռը թակեցի, բացեց հորս կինը, ասացի՝ բարև ձեզ, ես ձեր ամուսնու առաջին կնոջ աղջիկն եմ, եկել եմ ձեր թույլտվությունը ստանամ հորս հետ ծանոթանալու համար:
Ռուզաննա, հրաշալի կին է, ասաց՝ «արի, լոգանք է ընդունում, հիմա դուրս կգա: Ոտքերս դողում էր: Ոչ մի բառով չեմ կարող նկարագրել դա ինչ է, որ դու 19 տարեկանում առաջին անգամ սպասում ես, որ լոգարանից դուրս է գալու մի մարդ, ում արյունը քո երակներով հոսում է: Ներսումդ հրաբուխ է:
Եկավ 2 ձեռքով 2 ոտքով հասարակ տղամարդ: Ոչինչ չէի զգում: Ես այդ պահին հասկացա, որ ինքը մոյրիկիս շատ է սիրել: Միայն շատ սիրած ու կորցրած տղամարդը կարող էր հուզմունքից ու ներքին ապրումներից մեղադրեր կնոջը: Նա անընդհատ մեղադրում էր մորս չստացված հարաբերությունների ու բաժանման համար: Բայց ես ուրախանում էի, քանի որ հասկանում էի, որ սիրո պտուղ եմ»,- «Tete A Tete» հաղորդման շրջանակներում պատմել է դերասանուհի Լիա Զախարյանն, ում հայրը լքել է, երբ նա դեռ ծնված չէր:
Դերասանուհին նշել է, որ չի մաղադրում մարդկանց իրենց արաքների համար, որովհետև չգիտի, թե նա այդ պահին ինչ է զգացել:
«Անսխալական մարդ չկա, ես դեռ չգիտեմ, թե ինչպիսինն եմ լինելու իմ երեխաների համար, չնայած ի սրտե ուզում եմ մաքսիմալ լավ մայր լինել: Բայց ոչ ոք ապահովագրված չէ իր հետագա արաքներից ու քայլերից: Ես վախենում եմ մեղադրել ու չգիտեմ իրենք այդ պահին ինչ են զգացել, որ ցավն է իրենց ստիպել ինձ չտալ այն ամենն, ինչի կարիքը ես ունեմ»,- ասել է Լիա Զախարյանը:
