Մեծարգո պարոն վարչապետ մենք՝ ներքո ստորագրյալներս, դիմում ենք Ձեզ, որպես երկրի ղեկավարի,կայացնել արդարացի որոշում,կանխելու ՀՎԿԱԿ Արմավիր մասնաճյուղի լաբորատորիաների աշխատանքների դադարեցումը,որը հանդիսանում է կառույցի ողնաշարը:Դա կարող հետագայում է նպաստել մասնաճյուղի լուծարմանը:Վերջինս կբերի բժշկականխարգելման գործընթացի խաթարմանը մարզում: Առողջապահության հիմնաքարը կանխարգելումն է և ոչ թե միայն հիվանդի բուժումը, որը այսօր վերածվել է բիզնեսի:Հզոր է այն երկիրը, որն ունի առողջ ազգաբնակչություն: ՀՎԿԱԿ-ը ստրատեգիական նշանակություն ունեցող կառույց է: «Արմավիր»մասնաճյուղի կառույցը 2023թ-ից վերանորոգվում է, որը պետք է հանձնվեր 2024թ. նոյեմբերին, սակայն հետաձգվել է մինչև 2025թ. մայիսը: Մասնաճյուղը տեղափոխվել է ժամանակավոր Էջմիածնի ինֆեկցիոն բաժանմունքին կից կառույց և մեկ տարուց ավել աշխատում է մասնաճյուղի աշխատակիցների միջոցներով հարմարեցված շենքային պայմաններում: Մասնաճյուղը կատարում է իր մասնագիտական պարտականությունները բարձր մակարդակով, որոնց ապացույցը պատասխանների հավաստի արդյունքներն են՝հաստատված «Ռեֆերենս լաբորատոր կենտրոն»-ի կողմից:Ի հավելում տեղեկացնեմ. տեղափոխվելուց հետո ,տեսչական կառույցի կողմից 15 օրյա ստուգման ադյունքներում թերացումներ չեն հայտնաբերվել: Շենքային և սարքավորումների հետ կապված թերացումները աշխատակիցներինը չեն:Դրանք առողջապահության նախարարի գործառույթներն են:Այսօր տիկին նախարարը սկսել է մասնաճյուղերի /Արմավիր,Արագածոտն,Կոտայքի մարզերի/ լաբորատորիաների աշխատանքների դադարեցումը՝ անվանելով դա օպտիմիզացիա և ռեստրուկտուրիզացիա , անտեսելով այն կարևոր փաստը ,որ մի քանի ամսից պատրաստ կլինի ՀՎԿԱԿ Արմավիր մասնաճյուղի շենքը: Պարոն Աթոյանը բանավոր և գրավոր հայտարարություններում նշում է, որ պետք է մասնաճյուղի լաբորատորիաները դադարեցնեն իրենց աշխատանքները,քանի որ մասնաճյուղում հնարավոր չէ ապահովել կենսաապահովությունը և կենսաանվտանգությունը:Կուզեի Ձեր ուշադրությունը դարձնեիք նաև այն հանգամանքի վրա, որ պարոն Աթոյանը վերջերս armenpress.am -ին տված հարցազրույցում հրապարակել է վերը նշված մարզերի լաբորատորիաների լուսանկարները:Տեղյակ պահեմ Ձեզ,որ տեղակատվական անվտանգությունից ելնելով չի թույլատրվում ՀՎԿԱԿ-ին պատկանող լաբորատորիաները լուսանկարել և հանրայնացնել: Փաստորեն առողջապահության նախարարը չլինելով առողջապահության ոլորտի մասնագետ, որպես իրավաբան էլ չի տիրապետում աշխատանքային օրենսգրքի դրույթներին, որտեղ հստակ ամրագրված է, որ գործատուն է պարտավոր ապահովել աշխատակիցների աշխատանքային պատշաճ պայմանները:Փաստորեն տիկին նախարարի և պարոն Աթոյանի կողմից անբավարար աշխատանքային պայմանների գնահատումը ոչ այլ ինչ է, քան ցուցմունք սեփական անգործության մասին: Պարոն վարչապետ ազգաբնակչությունը չի հարգում իրավաբան նախարարին և իր շուրջը հավաքված կադրերին: Չկա մի օր, որ լրատվամիջոցները չքննադատեն առողջապահության ոլորտում կատարվող անօրինականությունները և կոռուպցիոն ռիսկերը: Մեզ՝աշխատակիցներիս,այս կոռուպցիոն ռիսկներն են անհանգստացրել ,որ այսօր դիմում ենք Ձեզ: Հուսով ենք Ձեր կողմից կիրականացվի ուսումնասիրություն ,և մեզ անհանգստացնող հարցերին կտրվի պատասխաններ,որոնք էլ կհանգեցնեն մեզ հուզող հարցերի արդարացի լուծմանը:: Կանխավ շնորհակալություն…..
ՀՎԿԱԿ բուժաշխատողներից
