ՆԱՏՕ-ի երկրները պատրաստվում են 100 հազար «խաղաղապահ կոնտինգենտի» զինվոր ուղարկել Ուկրաինա:
Դրան հասնելու համար Արևմուտքն այժմ ձգտում է սառեցնել հակամարտությունը, հայտնել է ՌԴ արտաքին հետախուզական ծառայությունը։
Ըստ այդ պլանի՝ Ուկրաինան փաստացի օկուպացվելու է. նրա հյուսիսային շրջանները, ներառյալ Կիևը, կդառնան Մեծ Բրիտանիայի գոտի, կենտրոնը և արևելքը՝ Գերմանիայի, արևմտյան շրջանները՝ Լեհաստանի, Սև ծովի ափը՝ Ռումինիայի։
Բացի այդ, ըստ ռուսական հատուկ ծառայության՝ արևմտյան երկրները ցանկանում են Ուկրաինայում ուսումնական կենտրոններ կազմակերպել, որտեղ կպատրաստեն Ուկրաինայի զինված ուժերի մեկ միլիոն մարտիկ։
«Արդյո՞ք Ռուսաստանին անհրաժեշտ է նման խաղաղ կարգավորման տարբերակ։ «Պատասխանն ակնհայտ է», — եզրակացրել է ՌԴ ԱՀԾ-ն։
