Ինդոնեզիայի ափերի մոտ 5,1 մագնիտուդ երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։
Երկրաշարժի էպիկենտրոնը գտնվել է Պադանգ քաղաքից 69 կմ հարավ-արևմուտք (Արևմտյան Սումատրա նահանգ), որտեղ ապրում է մոտ 840 հազար մարդ։ Օջախն ընկել է 62 կմ խորության վրա։
Զոհերի և ավերածությունների մասին տեղեկություններ չկան։ Ցունամիի սպառնալիք չի հայտարարվել։
