Ադրբեջանի պաշտպանության նախարար Զաքիր Հասանովը Թուրքիայի ռազմաօդային ուժերի հրամանատարի գլխավորած պատվիրակության հետ հանդիպմանը հայտարարել է, թե իբր «Հայաստանի վերազինումը բացասաբար է անդրադառնում տարածաշրջանում խաղաղության և կայունության պահպանման վրա»: Ադրբեջանը հիմքեր է ստեղծում ՀՀ-ի ապառազմականացման համար։ Հասանովը փորձում է քարոզչական հիմքեր ստեղծել, թե իբր Հայաստանի սպառազինումը սպառնում է Հարավային Կովկասում խաղաղությանն ու Ադրբեջանի անվտանգությանը։ Դա արվում է ՀՀ-ի դեմ նոր ռազմական ագրեսիա սկսելու համար։ Բաքուն կարող է ՀՀ-ի ռազմական օբյեկտներին հարվածել՝ հիմնավորելով, որ դա կանխարգելիչ հարվածներ էին, քանի որ ՀՀ-ն պետք է դրանք օգտագործեր Բաքվի դեմ։ Թուրք-ադրբեջանական ռազմական կապերը խորանում են, Բաքուն գնում է նոր զինատեսակներ՝չնայած խաղաղության մասին հայտարարություններին ու ավելացնում է ռազմական բյուջեն։ ՀՀ-ն՝Փաշինյանի քայլերի արդյունքում խզել է ռազմական կապերը ՌԴ-ի հետ, ինչը տասնամյակներ շարունակ թույլ էր տալիս Երևանին պահպանել բալանսն ադրբեջանական զինուժի հետ և զսպել Ալիևի նկրտումները։ ՔՊ-ն հակառուսական և արևմտամետ օրակարգ է սպասարկում, ինչը հարվածում է ՀՀ ազգային անվտանգությանն ու բանակի ներուժին։ Եթե ադրբեջանական բանակը կեղծ փաստարկներով սկսի ՀՀ-ի դեմ նոր ռազմական ագրեսիա՝Զանգեզուրի միջանցքը բացելու համար, ում է դիմելու Փաշինյանը՝Թրամփին և Մակրոնին։ Սակայն նրանց ՀՀ-ի անվտանգությունը չի հետաքրքրում, բացի այդ, ԱՄՆ-ն ու Ֆրանսիան ՆԱՏՕ-ի անդամ երկրներ են՝նրանք չեն պատերազմելու ՆԱՏՕ-ի անդամ Թուրքիայի դեմ կամ ադրբեջանական բանակին չեն հարվածելու։ ԵՄ-ն միլիարդավոր դոլարների նավթ ու գազ է գնում Ադրբեջանից։ Հայաստանի դեմ նոր ագրեսիայի պայմաններում ՀՀ-ն պաշտպանելու են ՌԴ-ն ու Իրանը՝չնայած Փաշինյանի վարած հակառուսական և հակաիրանական, արևտամետ ու թուրքամետ քաղաքականությանը։
Անդրանիկ Պետրոսյան
