Ուկրաինայի նախագահի գրասենյակի ղեկավար Անդրեյ Երմակը հայտարարել է, որ կայուն խաղաղության շուրջ իրական բանակցությունները կսկսվեն միայն այն ժամանակ, երբ Ռուսաստանը բավարար ռեսուրսներ չունենա պատերազմը շարունակելու համար։
Այս մասին Վլադիմիր Զելենսկու գրասենյակի ղեկավարն ասել է Լվովում Տեղական և տարածքային իշխանությունների համաժողովի ժամանակ, փոխանցում է tsn.ua-ն։
«Ես ևս մեկ անգամ ընդգծում եմ, որ օգնում են միայն ուժեղներին, ուստի պետք է ուժեղ մնանք: Կայուն խաղաղության շուրջ իրական բանակցությունները կսկսվեն միայն այն ժամանակ, երբ թշնամին այլևս չունենա պատերազմը շարունակելու ռեսուրսները, ուստի առջևում չափազանց շատ աշխատանք կա», — ասել է նա:
Երմակը նաև ընդգծել է, որ խաղաղություն չի լինի, եթե Ռուսաստանին չստիպեն դրան գնալ։
«Մեր թշնամին չի ցանկանում պատերազմի ավարտը, նա ցանկանում է մեր հանձնվելը, մերը և մեր դաշնակիցները: Եթե Ռուսաստանին չպարտադրեն արդար խաղաղություն, ապա խաղաղություն չի լինի, և Մոսկվան կօգտագործի այդ դադարը՝ իր ուժերն ամրապնդելու և հարձակումը շարունակելու համար»,- ընդգծել է պաշտոնյան։
