Համայնքային ոստիկանության Նոյեմբերյանի բաժնում օպերատիվ տեղեկություն էր ստացել, որ դեկտեմբերի 17-ի ժամը 13-ի սահմաններում Նոյեմբերյանի խանութներից մեկում գնումներ կատարած երիտասարդը վճարել է 10 000 անվանական արժեքով կեղծ թղթադրամով, ապա ստացել է մանրը և հեռացել:
Վաճառողից ընդունվել է հաղորդում. նա ներկայացրել է կեղծ թղթադրամը․ այս մասին հայտնում են ոստիկանությունից
Համայնքային ոստիկանները ձեռնարկած միջոցառումների արդյունքում Նոյեմբերյանի կենտրոնական զբոսայգում երիտասարդին հայտնաբերել, ձերբակալել և տեղափոխել են բաժին: Ջուջևանի բնակիչ 17-ամյա երիտասարդը խոստովանել է կեղծ թղթադրամ իրացնելու փաստը: Նա և կազմված փաստաթղթերը ներկայացվել են Նոյեմբերյանի քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
