«Խոստովանության» հերթական եթերում երգչուհի Սյուզաննա Մելքոնյանն էր։
StarNews-ը հետևեց հաղորդմանը։
Զրույցը սկսվեց մանկությունից.
«Չեմ ստի ու չեմ ասի,որ մանկությունս միայն տիկնիկների մեջ է անցել։ Մենք այն տարին ենք եղել Ռուսաստանում, երբ ամեն բան շատ դժվար էր։Ունեցել եմ ծանր կադրեր, որոնք պայմանավորված են եղել կենցաղով։ Անընդհատ մի բնակարանից մեկ այլ բնակարան տեղափոխվելով: Ես միշտ ասում եմ, որ իմ կյանքը բաժանվում է երկու մասի՝մինչև «Ну-ка, все вместе!» ու «Ну-ка, все вместе!»-ից հետո։ Մինչև պրոյեկտին մասնակցելը Հայաստանյան աշխարհում ապրում էր մի աղջիկ շատ սուղ պայմաններում՝ելնելով երկրի իրավիճակից և, առհասարակ, աշխարհի։ Արդեն կուլիսներում՝ պատկերացրեք աղջիկ,ով մեկնել է անմիջապես պատերազմից հետո։ Քչփչում էին՝«у них войнв,она армянка и приехала»։Չունեի տարբերակ չհավաքվելու և չհաղթելու։ Ես երբևէ նման քանակ ունեցող ժյուրիի կազմում չեմ երգել՝սարսափելի էր»:
Հետևելով էջերին և սթորիներին՝թվում է Սյուզաննա Մելքոնյանի կյանքում մի բաց կա,որը դեռ չի լրացվել: Անձնականի հե՞տ է կապված, սիրո պակաս, թե՞…
«Փակ մարդ եմ նման թեմաներով։ Լինում է ,որ ընտանիքիցս հեռու եմ լինում և կարոտի բացն է լինում։ Լինում է, որ ծանրաբեռնվածության, անընդհատ կարիերա, բեմ, նկարահանում և ինձ այնքան է պակասում այդ հոգատար անձնավորությունը, որը կընդունի ինձ իսկապես էնպիսին, ինչպիսին ես կամ»։
