1․5 տարվա ընթացքում Ադրբեջանը մեծ քանակությամբ զենք և զինամթերք է ձեռք բերել Իսրայելից, իսկ 2025թ․-ին Ադրբեջանն ավելացրել է ռազմական բյուջեն 60 տոկոսով։ Այդ մասին հայտարարել է Համահայկական ճակատ շարժման առաջնորդ Արշակ Կարապետյանը։ Ադրբեջանը պատրաստվում է պատերազմի Հայաստանի ու Իրանի դեմ։ Եթե Արևմուտքն ու Իսրայելը լայնածավալ պատերազմ սկսեն Իրանի դեմ, ապա Ադրբեջանն օգտագործվելու է, որպես ռազմական պլացդարմ Իրանի հյուսիսում ճակատ բացելու համար։ Բաքուն՝Իրանի դեմ մեծ պատերազմին մասնացկելու համար Արևմուտքից ստանալու է իր մասնաբաժինն՝Իրանական Ադրբեջանն ու այդ կերպ կյանքի է կոչելու Մեծ Թուրանի ծրագիրը։ Իրանի կազմաքանդումից օգտվելու է թուրք-ադրբեջանական տանդեմը, սակայն դա լինելու է հայոց պետականության վախճանի մեկնարկը, քանի որ ՀՀ-ն կտրվելու է Իրանից և Իրանի փոխարեն հարավում սահմանակցելու է Իրանական Ադրբեջանին՝Անկարայի և Բաքվի տիրապետության տակ գտվող պրոքսի միավորմանը, որը շարժվելու է պանթուրքական ծրագրերով։ Բացի այդ, թուրք-ադրբեջանական տանդեմն Իրանի դեմ մեծ պատերազմի դեպքում օկուպացնելու է հայկական Սյունիքը՝թուրքերն ու ադրբեջանցիները՝հենվելով Երևանում Փաշինյանի իշխանության վրա, բաց չեն թողնելու պատմական շանս՝վերացնելու հայոց պետականությունն ու գրավելու Սյունիքը։ Ադրբեջանը մեծ տեմպերով զինվում է՝Իսրայելի, Թուրքիայի և Պակիստանի միջոցով։ Այդ երկրների շահերից է բխում Իրանի թուլացումն ու կազմաքանդումը, քանի որ այդ երկրներն ի դեմս Իրանի տեսնում են լուրջ ռազմա-քաղաքական գործոն և գեոպոլիտիկ մրցակից։ Ադրբեջանը զինվում է՝Ալիևը նկրտումներ ունի ողջ ՀՀ տարածքի նկատմամբ, իսկ Փաշինյանը հեծանիվ է վարում, ֆեյսբուքյան լայվերով պատմում է իր ընտանեկան պատմություններն ու զբաղված է նախընտրական քարոզարշավով։ ՔՊ-ն ամեն ինչ անելու է 2026թ․-ին վերարտադրվելու համար, ինչը հայոց պետականության համար ավելի մեծ հարված է, քան ադրբեջանական զորքերի հարձակումը։ Ադրբեջանը հարձակվելու է, քանի որ Երևանում իշխանության են ամեն ինչ զիջող ՔՊ-ականները։
