ՌԴ Տուլայում դեռահասը բեմականացրել է իր առևանգումը և փորձել ստիպել տատիկին իր համար 3 միլիոն ռուբլի փրկագին վճարել։ Այս մասին հայտնում է Gazeta.ru–ն։
Հետաքննության տվյալներով՝ 2024 թվականի սեպտեմբերին դեռահասը Սկուրատովսկի գյուղում գտնվող լքված ոչ բնակելի շինություն է կանչել իր ծանոթին։ Տղան ընկերոջն ասել է, որ ուզում է հոլովակ նկարահանել սոցիալական ցանցերի համար։ Դրանից հետո նա պառկել է հատակին, ընկերոջը խնդրել է կպչուն ժապավենով կապել ձեռքերն ու ոտքերը և մի քանի հարված հասցնել իրեն։
Տեսանյութը մոնտաժելուց հետո դեռահասը առևանգողների անունից այն ուղարկել է տատիկին և որպես փրկագին պահանջել 3 միլիոն ռուբլի։ Թոշակառուն հավատացել է առևանգմանը և մի քանի ժամ անց դիմել է ոստիկանություն։ Դեռահասի նկատմամբ քրեական գործ է հարուցվել խարդախության փորձի համար, դատարանը մեղադրյալին ազատել է 2 տարի պայմանական ազատազրկումից՝ նրա նկատմամբ կիրառելով դաստիարակչական միջոցներ մինչև 18 տարին լրանալը։
