«Եթե մենք բանակը բարեփոխում ենք Արարատի ու պատմական խոսույթի ներքո, մեզ ոչ ոք զենք չի վաճառի ու մեր հետ ռազմական համագործակցություն չի հաստատի, մենք ինքներս մեզ կդարձնենք թիրախ»: Այս մասին հայտարարել է Նիկոլ Փաշինյանը։
Ըստ նրա՝ «Արարատի» դիսկուրսի ներքո չենք կարող ժամանակակից զենքեր գնել։
«Արարատի դիսկուրսի ներքո մեզ կտան օգտագործված, համարյա ժամկետն անցած զենքեր, ինչը երկար տարիներ մեզ հետ տեղի է ունեցել»,- ասել է Փաշինյանը։
Վարչապետի աթոռը զբաղեցնողը վստահ-վստահ պնդել է․
«Արարատն ու Արագածը ձեզ թվում է՝ մտավարժա՞նք է, դա լրջագույն ռազմավարական հարց է»։
Փաշինյանն ասվածով չի բավարարվել․ ավելացրել է․
«Մեզ թվացել է, թե քարտեզի որ կետին նայենք, կարող ենք ասել, սա մեր հայրենիքն է»։