ԱՄՆ-ն այլևս մտադիր չէ միջնորդի դեր խաղալ Ռուսաստանի և Ուկրաինայի միջև բանակցություններում, լրագրողների համար ճեպազրույցում հայտարարել է ԱՄՆ Պետդեպարտամենտի խոսնակ Թեմմի Բրյուսը։
«Մենք միջնորդ չենք լինի: Մենք այլևս վայրկենապես չենք թռչի աշխարհի մյուս ծայրը` հանդիպումները մոդերավորելու համար: Այժմ աշխատանքը պետք է կատարվի երկու կողմերի միջև», — ասել է նա:
Այնուամենայնիվ, Վաշինգտոնը ջանքեր կգործադրի խաղաղության հասնելու համար, սակայն այսուհետ Մոսկվայից և Կիևից «կոնկրետ գաղափարներ» են անհրաժեշտ, պարզաբանել է Պետդեպարտամենտի ներկայացուցիչը։
Միաժամանակ պետքարտուղար Մարկո Ռուբիոն Fox News-ին տված հարցազրույցում նշել է, որ կողմերի դիրքորոշումները դեռ շատ հեռու են միմյանցից։ Նա հավելել է, որ Ուկրաինան չի կարողանա վերադառնալ այն սահմաններին, որոնք կային մինչև 2014 թվականը։
