ՄԱԿ-ը դիտարկում է խոշոր վերակազմավորում, որը միավորելու է գերատեսչությունները և վերաբաշխելու ռեսուրսներն ամբողջ աշխարհում: Փաստաթղթին ծանոթացել է Reuters-ը։ Ինչպես նշել է գործակալությունը, ՄԱԿ-ի վերակազմավորման անհրաժեշտության պատճառ է դարձել երկրներին ԱՄՆ-ի օգնության կրճատումը։
Փաստաթուղթը ներառում է «առաջարկների» ցանկը, որը ՄԱԿ-ի տասնյակ գործակալություններ կհամախմբի չորս հիմնական գերատեսչություններում՝ խաղաղություն և անվտանգություն, հումանիտար հարցեր, կայուն զարգացում և մարդու իրավունքներ, հաղորդում է գործակալությունը: Reuters-ի աղբյուրներից մեկը, որը ծանոթ է փաստաթղթին, այն բնութագրել է որպես ելակետային:
Այն առաջարկում է միավորել ՄԱԿ-ի ՁԻԱՀ-ի գործակալությունը Առողջապահության համաշխարհային կազմակերպության հետ և կրճատել հանդիպումների ժամանակ ներգրավվող վեց թարգմանիչների կարիքը: Մեկ այլ առաջարկով Առևտրի համաշխարհային կազմակերպությունը, որը ՄԱԿ-ի մարմին չէ, կմիավորի ՄԱԿ-ի զարգացման գործակալություններին:
Փետրվարի 4-ին ԱՄՆ նախագահ Դոնալդ Թրամփը ստորագրել է գործադիր հրաման՝ երկիրը դուրս բերելու ՄԱԿ-ի Մարդու իրավունքների խորհրդից և Մերձավոր Արևելքում Պաղեստինի փախստականների հարցերով ՄԱԿ-ի գործակալությունից։ Նա քննադատել է ՄԱԿ-ը՝ ասելով, որ կազմակերպությունն ունի «ահռելի ներուժ», բայց չի գիտակցում դա։
