Դա մեր հաղթանակն է, մենք 300 հազար զոհ ենք տվել և գնում ենք տոնելու մեր հաղթանակը ֆաշիզմի դեմ, լրագրողների հետ զրույցում, անդրադառնալով Հաղթանակի 80-ամյակին նվիրված տոնակատարություններին մասնակցելուն, ասաց ԱԺ նախագահ Ալեն Սիմոնյանը։
«Վերջերս տեղի ունեցավ Միսաք Մանուշյանի վերահուղարկավորությունը, տեղափոխեցին Պանթեո։ Դա նույնպես Երկրորդ համաշխարհային պատերազմի ժամանակ ֆաշիստական օկուպացիայի դեմ հայկական ընդվզում էր, հարգանքի տուրք էր նաև Միսաք Մանուշյանին և մնացած բոլոր այն մարդկանց, ովքեր այդ ժամանակ պայքարել են։ Իսկ Մոսկվա գնալ-չգնալու հարցը քաղաքական է, որի վերաբերյալ ես իմ կարծիքն ասել եմ։ Ես կարծում եմ, որ վարչապետը պետք է մասնակցի, ենթադրում եմ, որ կմասնակցի»,-հավելեց նա։
