«Կրթվելը նորաձև է» շարժման շրջանակներում «Իմ Քայլը» հիմնադրամը փնտրում է Հայաստանում գործող այն լրագրողին (ներառյալ հեռուստատեսային և ռադիո լրագրողներ), ով հանրության մեծամասնության կարծիքով իր մասնագիտական ոլորտում մշտապես եղել է ճշգրիտ, արդար և ազնիվ, և ում կողմից տրամադրված տեղկատվությունը հազվադեպ կամ երբեք կասկածի տակ չեք դնում։ Այս մասին հաղորդագրություն է տարածել «Իմ Քայլը» հիմնադրամը:
«Ճշգրիտ՝ նշանակում է, որ լրագրողի հաղորդած տեղեկատվությունը փաստացի և կոնտեքստային տեսանկյունից այնքան արժանահավատ է, որ Դուք պատրաստ եք դրա վրա հիմնվել որոշումներ կայացնելիս։
Արդար՝ նշանակում է, որ նա հավասարապես հնարավորություն է տալիս բոլոր կողմերին արտահայտվելու, և լրատվության մեջ հաշվի է առնում բոլոր կողմերի կարծիքները։
Ազնիվ՝ նշանակում է, որ նա հրապարակայնորեն ասում և ընդունում է ճշմարտությունը, նույնիսկ երբ դա դժվար է։
Ձեր օնլայն հարթակներում հայտարարության տարածումը կօգնի մեզ գտնել արժանավորին: Պետք է պարզապես անցնել այս հղումով` https://forms.gle/ssyYtoZMYbTjuxwk8 և նշել այն լրագրողի անունն, ով ձեր կարծիքով ամենավստահելին է իր գործում, և ում հաղորդած տեղեկատվությունը համարում եք ամենից ճշգրիտն, արդարն ու ազնիվը»,- նշված է հաղորդագրութան մեջ:
