ԱՄՆ գաղտնի ծառայությունը ձերբակալել է մի երիտասարդի, որը ներթափանցել էր ԱՄՆ նախագահ Դոնալդ Թրամփի` Ֆլորիդայում գտնվող կալվածք՝ նրա թոռնուհու հետ ամուսնանալու համար, հաղորդում է NBC-ն՝ հղում անելով իրավապահ մարմինների հաղորդագրությանը։
Ըստ արձանագրության՝ 23-ամյա Էնթոնի Ռեյեսը ձերբակալվել է, երբ բարձրացել է «Մար ա Լագո» կալվածքը շրջապատող ցանկապատի վրայով:
Փալմ Բիչի ոստիկանությունը ժամանել է միջադեպը հետաքննելու համար: Հարցաքննության ժամանակ երիտասարդը հայտարարել է, որ բարձրացել է պատի վրայով՝ «Ավետարանը քարոզելու» և «Քայի հետ ամուսնանալու» համար՝ նկատի ունենալով նախագահի 18-ամյա թոռնուհուն:
Միջադեպի պահին տարածքում նախագահի ընտանիքի որևէ անդամ չի եղել:
Քայ Թրամփը մայիսի 12-ին դարձել է 18 տարեկան։
