Հյուսիսատլանտյան դաշինքը Ֆինլանդիայում հունիսի 16-27-ը կազմակերպում է ռազմաօդային ուժերի զորավարժություններ, հաղորդում է Ֆինլանդիայի ռազմաօդային ուժերի պաշտոնական կայքը։ Զորավարժություններին կմասնակցի ավելի քան 40 ինքնաթիռ և մոտ հազար զինծառայող։
Զորավարժություններին կմասնակցեն ֆիննական կործանիչներ, ամերիկյան F-35A Lightning II և F-15E Strike Eagle ինքնաթիռներ, բրիտանական Typhoon կործանիչներ, ֆրանսիական Rafale և A400M ռազմական տրանսպորտային ինքնաթիռներ։
Ավելի վաղ Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել էր, որ Ռուսաստանը ուշադիր հետևում է իր սահմանների մոտ անցկացվող ՆԱՏՕ-ի խոշոր ռազմական միջոցառումներին։ Նրա խոսքով՝ դաշինքը ակտիվացնում է սադրիչ գործողությունները Ռուսաստանի սահմանների մոտ։
Նա նաև ընդգծեց, որ նման լայնածավալ զորավարժությունները մեծացնում են միջադեպերի ռիսկը և վատթարացնում անվտանգության իրավիճակը։
