«Երբ աղջիկը կամ կինն իր ոլորտում մեծ հաջողության է հասնում, ինչ-որ պաշտոն է ստանում, մարդիկ սկսում են մեկնաբանել, որ ինքը հաստատ ինչ-որ մեկի սիրուհին է, աղջիկն է, կամ ինչ-որ մեկի «ինչ-որ բանն է»: Ես այս մտքից շատ եմ բարկանում, երբ ինձ մոտ հանկարծ նման բան են խոսում:
Այսինքն՝ այստեղ թերահավատորեն են մոտենում: Արդյոք աղջիկը կամ կինը չի կարող իր ոլորտում այնքան խելացի ու աշխատասեր լինել, որ հասնի ինքն իր ուժերով իր բարձր պաշտոնին կամ նվաճումներին, որ ունենա լավ մեքենա, հաջողությունների հասնի:
Ինչի պետք է ինքն անպայման ինչ-որ մեկի «ինչ-որ բանը» լինի»,- «Նոր ալիք»-ի եթերում ասել է երգչուհի, դերասանուհի Էլեն Սաֆարյանը:
