Մայր աթոռի թանգարանների ու արխիվների տնօրեն Հայր Ասողիկ աբեղա Կարապետյանն անդրադարձել է վարչապետ Փաշինյանի և մի շարք եպիսկոպոսների հանդիպանը․
«Առանց Հայրապետի օրհնության իշխանությունների հետ հանդիպող եկեղեցականը ենթակա է բարձրագույն հոգևոր իշխանության ամենախիստ վճռին:
Եկեղեցին ունի կանոն, որ որևէ եկեղեցական՝ խոնարհ աստիճան Ավորից մինչև բարձրաստիճան, պետական իշխանությունների հետ հանդիպելիս պետք է ունենա իր վերադասի, այս դեպքում Հայոց Հայրապետի օրհնությունը»,- ասել է Հայր Ասողիկը:
Հիշեցնենք՝ Փաշինյանն այսօր կառավարության նիստից հետո տեղի ունեցած ճեպազրույցից հետո հանդիպում է ունեցել եպիսկոպոսների հետ։ Կառավարությունում հանդիպումը կայացել է ՀԱԵ Արարատյան թեմի առաջնորդ Տեր Նավասարդ արքեպիսկոպոս Կճոյանի, Վայոց ձորի թեմի առաջնորդ Աբրահամ Սրբազանի, Բալթյան երկրների հայոց թեմի առաջնորդ Վազգեն արքեպիսկոպոս Միրզախանյանի, Անուշավան եպիսկոպոս Դանիելյանի, Արցախի թեմի առաջնորդ Վրթանես Սրբազանի, Մասյացոտն թեմի առաջնորդ Գևորգ Սրբազանի, Արտակ Սրբազանի, Կոտայքի թեմի առաջնորդ Առաքել արքեպիսկոպոս Քարամյանի հետ։
Հիշեցնենք՝ տարածված հայտարարության տեքստում նշվում է, որ նոյեմբերի 25-ին ՔԿ-ի կողմից հանձնախմբին են տրամադրվել հիշյալ փորձաքննության արդյունքները, որոնք հաստատում են Արշակ արքեպիսկոպոս Խաչատրյանին վերագրվող տեսանյութերի իսկությունը։
