Հանդիպում Կիոկուշին կարատեի բացարձակ չեմպիոն, լեգենդար մարտիկ Ֆրանսիսկո Ֆիլիոյի հետ։ Այս մասին ֆեյսբուքյան իր էջում գրել է Գագիկ Ծառուկյանը՝ հրապարակելով տեսանյութ։
«Այցի շրջանակում քննարկել ենք համագործակցության տարբեր ձևաչափեր՝ սկսած մարզիկների փոխայցերից մինչև միջազգային մրցաշարերի համատեղ կազմակերպում։
Այս օրերին Ֆրանսիսկո Ֆիլիոն Օլիմպավան մարզահամալիրում անցկացնում է սեմինարներ, որոնց ընթացքում իր հարուստ փորձն ու գիտելիքները փոխանցում է հայ մարզիկներին։
Կարևոր է ստեղծել պատշաճ պայմաններ մարզիկների համար և նրանց առջև դնել նոր, ավելի բարձր պահանջներ՝ նպաստելով մրցունակության բարձրացմանն ու մասնագիտական աճի շարունակական զարգացմանը»,-գրել է Ծառուկյանը։
